如果你遇到一個肯為你排一晚隊買海洋公園飛嘅男仔，真係要珍惜佢，男人為愛情可以好蠢好戇居，但呢啲野只會一生人一次。佢出盡全力去愛一個人，然後失敗，從此就會長大，明白應該預先做好風險計算、甚至分散投資，不要將所有蛋都俾晒隻雞，不，是不要將所有蛋都放進同一個籃，因為戀愛_街，或是遇上_街，都是必然的。
香港人，最寶貴的不是錢，而是返工返學的時間，我們遊行都要挑星期六、日，爭取再重要的權益都要選假期，星期日的話仲要十點走返屋企「第二日要返工呀」，一個能為你排隊排到學都唔返的男人，去邊度搵？
唔信？各位娘娘試下叫你隻兵，天寒地凍出去同你排一晚，排到第二日工都唔返，睇下佢又肯唔肯？你值幾多隻蛋，心照啦。
#有種浪漫叫年輕
Search